ప్రాక్టికల్ గా అలోచించనపుడు నేనెలాగ ఉంటాను ? దానికోసం మొత్తం మీద నేను వేసుకున్న ముసుగు తీసేసానుఇక్కడ! అసలు నేను అనుకునే వాడే లేని లోకంలో నా అంతరంగంలోని చైతన్యాన్ని తెలుసుకొనే ప్రయత్నం

Tuesday, December 23

ప్రేమశాతం:నేనొక కుల పిచ్చోన్ని!తెలుసా?





ప్రేమశాతం:serial
 కథ  కథనం హీరో :నేనే, హీరొయిన్:ఇంకా ఎంటర్ కాలేదు,,ఇతర పాత్రలు:సమాజం లో నాచుట్టూఉండే మనుషులు....
పాత  పోస్ట్ లు 1  2   3  4   5  6 7 8  9 10
ఇది ఎప్పుడో పూర్వ కాలం లో
నేను చిన్నపుడు స్కూల్ లో ఉన్నపుడు నాకు కృష్ణ అనే స్నేహితుడుండే వాడు...
అదేంటి ఏదైనా ఇవ్వాలంటే వాడు ముందేమైన ఇచ్చాడా? అనే నాలాంటి వాడికి స్నేహితుడు కూడా ఉంటాడా ?
అని అనుకోకండేం?
ఎందుకంటే వాడు ఇచ్చాడు ...
ఒక రోజు నేను ఆడుకుంటుంటే నాకు దెబ్బ తగిలితే వాడె నాకు ముందు గా first aid చేసాడు ..అలా నాకు వాడు ఫ్రెండ్ అయ్యాడు ...బాగా నాకన్నా వాడికే ఎక్కువ మార్కులు వస్తుంటాయి..అందుకే ఎందుకైనా పనికొస్తాడు లే
అనుకోని..
అలాగా వాడితో స్కూల్ లో ఎక్కువగా ఉండేవాడిని...!అన్నమాట!
ఇలాగ నా స్నేహం మొగ్గలా చిగురించే సమయం ...
వాడి ఇల్లు.. మా ఇల్లు..దాటిన తర్వాత ఉంటుంది.
ఒక రోజు ఆదివారం...
వాడిని మా ఇంటికి పిలిచాను ...ఆడుకోవడానికి...
వాడితో నేను ఆడు కుంటున్నాను...పాపం వాడికి మధ్యలో దాహం వేసింది...
నేను లోపలికి వెళ్లి నీళ్ళు ఇమ్మని అడిగాను...అమ్మ ఇచ్చింది.
ఇదంతా గమనించిన మా తాతయ్య ...నీళ్ళు  ఇవ్వడం చూసాడు 
అంతే కాకుండా మనకన్నా తక్కువ వాడు ,మన కులమా అతనిది? ఆట ఆపెయ్యమని..మరోసారి కృష్ణతో కనపడకూడదని పెద్ద వార్నింగ్ కూడా ఇచ్చాడు,
అదేంటి తక్కువ వాడా? అంటే?....
పాపం కృష్ణ గాడు మంచోడే కదా ఎందుకు ఇలా తిడుతున్నాడు నన్ను?
మా తాతకేమన్నా పిచ్చా?వాళ్ళ ఫ్రెండ్స్ తో తను మాట్లాడుకోవచ్చు ?పేకాటలు ఆడుకోవచ్చు ?
నేను నా ఫ్రెండ్స్ తో ఆడుకోవద్దా?అని తాత ని అడిగితే

తను చెప్పాడు ...కృష్ణ వాళ్ళు మనకి గౌరవం ఇస్తారు...వాళ్ళతో తిరిగితే మనకి ఇస్తారా?
వాళ్ళతో కలిసిపోతే వాళ్ళకి మనకి తేడా ఏముంటది?
అని చెప్పాడు...?
అప్పుడు నాకు అర్ధమైంది ఏంటంటే..నేను వాడికంటే గోప్పోన్ని...!  బాగుంది ఈ ఫీలింగ్...
వాడి కన్నా నేను బాగా చదవక పోయినా నేనే గోప్పోన్ని...!మరి..
గొప్పతనాన్ని ఎవరైనా కాదంటారా?ముందే స్వార్ధం లో ఆరితేరిన వాడిని...
కష్టపడకుండా వచ్చే గొప్పతనాన్ని కాలరాస్తానా?
అలాగ నేను కూడా కుల పిచ్చోన్ని అయ్యాను...

ఇందులో నా స్వార్ధం 2 శాతం పాయింట్లు పెరిగింది..ఎందుకంటే basic గా నాకు పక్కవాళ్ళతోనే స్వార్ధం ...ఇప్పుడు మనుషుల్లో కులాల పట్ల కూడా స్వార్ధం పెరిగినట్లయింది  
ప్రేమ 44 శాతం స్వార్ధం 56 శాతం గా మారిపోయింది..

కాని ఇలా అయాచితంగా గొప్పతనం  ఎంజాయ్ చేసినందుకు ఇప్పుడు సిగ్గుపడుతున్నాను...

గొప్పవాడు కావాలంటే గొప్పతనం మనిషి స్వభావం వల్ల ,నడవడిక వల్ల మరియు మంచి ఆలోచనల వల్ల వస్తుంది ..
కాని కులం వల్ల రాదు అని...
ఈ విషయాన్నే పురాతన గ్రంధాలూ చెప్తాయి అంటారు ...పురాతన గ్రంధాలు  చదివే వాళ్ళు?చెప్పే వాళ్ళు?
కాని పాటించేవాళ్ళు...వాళ్ళు కాదేమో ...కేవలం అవి చదవడానికేనేమో?..చెప్పడానికేనేమో...?
లేక పోతే గ్రంధాలు పుట్టి ఇన్నేళ్ళయిన కులాల వల్లనే గొప్పతనం ఎందుకు వస్తుంది చెప్పండి...
                                   
               ఇంత చదువుకున్న నేను కూడా చాల లేట్ గా తెలుసుకున్నాను...
గొప్పతనం నన్ను నా కళ్ళను  అలా కమ్మేసింది మరి...
కుల వ్యవస్థ పోవడానికి హరి గారి కామెంట్ నాకు బాగా నచ్చింది
 ఈ కింది కామెంట్ చూడండి
  1. మత మార్పిడులు వుండాలి. అలాగే కుల మార్పిడులూ వుండాలి. ఎవరికి కావలసిన మతం, కులం వారు స్వీకరించే వెసులుబాటు వుండాలి. అలాగే నాస్తికులకు NOTA మతం, NOTA కులం కూడా వుండాలి. వీటన్నిటిన్నిటినీ నియంత్రించేందుకు కులాల, మతాల రిజిష్ట్రార్ ఆఫీసులు దేశమంటా తెరవాలి!

Reactions:

1 comment:

  1. వన్ డే 200 వీక్షకులు కాని ఒక్క కామెంటు రాలేదు...!ఎందుకు చెప్మా?

    ReplyDelete

మీరు సభ్యత తో కూడిన కామెంట్స్ మాత్రమే పెట్టగలరు ,దయ చేసి notify me టిక్ చెయ్యండి,వర్డ్ వెరిఫికేషన్ ఆఫ్ చేసాను మీకు ఇబ్బంది కలిగిస్తే దయచేసి తెలుపగలరు..