ప్రేమ శాతం :ఆ రోజు నాకో చెల్లి పుట్టింది

కథ  కథనం హీరో :నేనే, హీరొయిన్:ఇంకా ఎంటర్ కాలేదు,,ఇతర పాత్రలు:సమాజం లో నాచుట్టూఉండే మనుషులు...
పాత  పోస్ట్ లు 1  2   3  4   5  6

ఆ రోజు నాకో చెల్లి  పుట్టింది

నాకొక చెల్లి పుట్టిందని  తెలిసి ఆనందపడిపోయాను..ఈ విషయాన్ని సుబ్బు గాడితో చెప్పాలని వాడింటికి వెళ్ళాను...
ఆ తర్వాత...
నా బొమ్మలు తీసుకుంటుందని ...నా బొమ్మలతో ఆడుకుంటుందని...నేను ఇప్పుడు మా అక్క దగ్గర నుండి బొమ్మలు లాక్కుంటున్నట్లు నా బొమ్మలన్నీ తీసుకుంటుందని సుబ్బు వాళ్ళ అక్క నాతో చెప్పింది..
అంతే ఒక్కక్షణం లో నా ఆనందం ఆవిరి అయిపొయింది...
నాకు వెంటనే మా చెల్లి  పైన అసూయ కలిగింది...
అ తర్వాత ...
నేను హాస్పిటల్ కి వెళ్ళాను నాన్న గారితో...
అసలు నా బొమ్మలు ఎలాగా లాక్కుంటుంది..అలాంటివి ఏమైనా చేస్తే వెంటనే కొట్టాలి...
అనుకొన్నాను ..
అక్కడ ఊయలలో చిన్న పాప ను చూసాను ..నన్ను చూసి బలే గా నవ్వింది...
నేను వెంటనే వెళ్లి పాప తో ఆడుకున్నాను...చేతులు పట్టుకున్నాను ,నా వేలును గట్టిగా పట్టుకుంది...
ఇంటికి వెళ్ళాలనిపించలేదు...స్కూల్ కి ఎగ్గొట్ట వచ్చు ...ఇంకా ఎంచక్కా ఇక్కడే ఆడుకోవచ్చు ...
ఇంకా అంతే సుబ్బు వాళ్ళక్క అన్ని అబద్దాలు నాకు చెప్పినదని అర్ధమైంది...
మా అక్క నాకన్నా ముందే  ఎప్పుడో వచ్చింది ..ఇంకా చెల్లికి తన బొమ్మలు కూడ తెచ్చింది...చెల్లి అక్క వేలును కూడా పట్టుకుంది..

ప్చ్...నాకు వెంటనే నా బొమ్మలు అన్ని తెచ్చేసి నేనే మంచి మార్కులు తెచ్చుకోవాలని అనిపించింది...
వెంటనే ఇంటినుండి నా బొమ్మలు తేవాలని  అల్లరి చేసాను..
బొమ్మలు తెచ్చుకుందామని చెప్పి ఇంటికి తీసుకొని వెళ్లి స్కూల్ కి పంపేసారు..
మల్లి సాయంత్రం వచ్చి చేల్లెతో ఆడుకున్నాను...
ఇక్కడేమో స్వార్ధం ప్రేమ రెండు దోబుచులాడుకున్నాయి...స్వార్ధం ..ప్రేమ...రెండు పోటి పెట్టుకున్నాయి...
మొదట స్వార్ధం పెరిగింది..(అసూయ రూపం లో)చివరకు ప్రేమ గెలిచింది(చెల్లె కోసం నా బొమ్మలు ఇవ్వాలనుకోవడం) అందుకే ప్రేమ శాతం ...పెరగ లేదు  అట్లే స్వార్ధం శాతం... కూడా పెరగలేదు
ఇవ్వడం లో కూడా ఆనందం ఉంటుందని తెలుసుకున్నాను...
మనం ప్రేమించినా ,ద్వేశించినా మన ఆనందం కోసమే చేస్తాము...
ప్రేమించినపుడు కలిగే ఆనందం ...త్రుప్తి రూపం లో ఉంటుంది
ద్వేశించినపుడు కలిగే ఆనందం ...పాపం రూపం లో ఉంటుంది..
మొత్తం మీద మన ఆనందం కోసమే  ప్రేమ ...మన ఆనందం కోసమే స్వార్ధం
                                                                                       NEXTPART
if you want notification..email me: srinosys1@gmail.com

Read More

ప్రేమ శాతం :అలక The blackmail

కథ  కథనం హీరో :నేనే, హీరొయిన్:ఇంకా ఎంటర్ కాలేదు,,ఇతర పాత్రలు:సమాజం లో నాచుట్టూఉండే మనుషులు...
పాత  పోస్ట్ లు 1  2 3 4 5

అలక అనేది మనలో స్వార్ధాన్ని పెంచే మరో గొప్ప ఆయుధం ...
చిన్నపుడు నేను అమ్మా నాన్న లతో జాతరకు వెళదామనుకున్నాము ...

అక్కడ నాకు ఒక జీప్ బొమ్మ చాలా చాలా నచ్చేసింది...ఇంకా వెళ్ళకముందే..
ఇంకా మనం ఊరుకుంటామా?...
జాతరకు వెళ్లేదే బొమ్మలకోసం..అందుకే ఇంట్లో ముందే జీప్ బొమ్మ కావాలి అని ఆర్డర్  పాస్ చేసేసాను...
ఇంకేముంది సరేలే కొందామని వాళ్ళు కూడా చూచాయి గా చెప్పేశారు...
ఇంకేం జాతరలో బొమ్మల షాప్ ల దగ్గరికేల్తే జీప్ బొమ్మ కనపడలేదు...
అన్ని bangels,stickers,లాంటివి కనిపిస్తున్నాయి...ఏంటా అని ఆలోచిస్తే ...
ప్చ్...నేను మా అమ్మ ,మా అక్క వాళ్ళ జట్టులో ఉన్నాను..
అందుకే  షాప్ లలో బొమ్మలకు బదులు గాజులు ,బొట్టుబిల్లలు కనబడుతున్నాయి..
వెంటనే నాన్న గారి జట్టులోకి వెళ్ళాను...
ఇప్పుడు నాకు కావలసిన బొమ్మల షాప్ కనబడింది...
అందులో నా కళ్ళు ఏ బొమ్మను వెతుకుతున్నాయో మీ అందరికి ముందే తెల్సు కదా...
అలా చూస్తుంటే నాకు కనిపించింది...కళ్ళు మైమరపు గొలిపే అందమైన బొమ్మ ...
అసలు నా కళ్ళను తిప్పుకోనీయకుండా నన్ను పూర్తిగా దానివైపే తిప్పెసుకున్నబొమ్మ...
అదేనండి ...రిమోట్ హెలికాప్టర్...

అదేంటి జీప్ కదా కొనుక్కోవాల్సింది ...మరి ఇప్పుడు ఇదేంటి అని డౌట్ మీకు అవసరం లేదు..
నిన్నటి నా ప్రపంచం లో జీప్ మాత్రమే ప్రయారిటి గా ఉండేది,ఎందుకంటే దాని పరిది చిన్నది అంతే ..దానికి తెలియదు జీపు ను తల దన్నే బొమ్మలు ఉంటాయని...
ఇప్పుడు ఆ ప్రపంచం లోకి వచ్చాను ...అందుకే నా ఇష్టం జీపు నుండి హెలికాప్టర్ కి షిఫ్ట్ అయ్యింది....
ఇలా ఆలోచనలో నేను ఉన్నంత లోనే మా నాన్న గారు నాకు జీప్ కొనేసారు...
నాకు జీప్ ఇవ్వబోయారు ...నా కళ్ళ లో నా ఆనందాన్ని చూడాలనే ఆశతో ...
అంతే నా మనసు మొత్తం కకా వికలమయ్యింది...ఇప్పుడు ఎలాగ? పరిస్థితి నా చేతుల్లో లేదే...
అసలు ముందు జీప్ కావాలి అని చెప్పాల్సింది కాదె...?
పక్కింటి సుబ్బుగా ఎందుకురా నాకు జీప్ చూపించావు...దాని మీద ఆశలు పెంచావు...
ఇప్పుడు హెలికాప్టర్ ఎలాగరా?కొనుక్కోనేది...?
ఇప్పటికే స్వార్ధం లో మూడు  మెట్లు ఎక్కిన నేను నాలుగో మెట్టు నాకు నేనుగా ఎక్కలేనా?
ఎక్కగలను...
అందుకే ...ఏమాత్రం ఆలస్యం చెయ్యకుండా జీప్ బొమ్మ వద్దు అనకూడదు...ఎందుకంటే నిన్న ఆర్డర్ చేసాను కదా...
జీప్ తో పాటు హెలికాప్టర్ కూడాకావాలి,అని అలగాలి ...ఇదే సరైన సమయం ...ఇప్పుడు ఈ అవకాశాన్ని వృధా చేసుకోరాదు...అనుకోని ,నాకు హెలికాప్టర్ బొమ్మ కూడా కావాలి అని అడగడం ...
నాన్న గారు నో అని చెప్పడం ....అలాగైతే నేను భోజనం చెయ్యను అని చెప్పెయ్యడం ...తో

పాటు వాళ్ళతో అన్ని మూసుకొని ఇంటికి రావడం జరిగి పోయింది....
 ఎందుకంటే అక్కడ తాగేవి ,తినేవి ఏవి వాళ్ళను అడగలేదు ...ఎందుకంటే నేను అలిగాను కదా ...ఎలా అడుగుతాము...ఈ చిన్న చిన్న వాటికోసం కక్కుర్తి పడితే హెలికాప్టర్ రాదు కదా?
నైట్ 9 అయ్యింది ,అందరు భోజనాల దగ్గరికి వచ్చారు ...నా కోసం ఒక కేక వేసారు ...
దానికోసమే వెయిట్ చేసే నేను నిండా ముసుగు తన్ని పడుకున్నట్టు నటిస్తున్నాను..
చెల్లి వచ్చి అన్నా ..అన్నం తినడానికి రా అంది..
 అక్క వచ్చింది..అడిగింది...జవాబు ఇవ్వలేదు ..ఎందుకంటే వీళ్ళతో పని జరగదు..
అనవసరంగా వీళ్ళతో టైం అండ్ ఎనర్జీ ఎందుకు వేస్ట్ చేసుకోవడం
చివరగా అమ్మ వచ్చింది...అడిగింది...నేను తినను నాకు హెలికాప్టర్ కొనలేదు కదా..అని చెప్పాను..
తర్వాత కొంటారు లే ...ఇప్పుడైతే రా రా అని అడిగింది...నేను లేదు అన్నాను...
ఇదే విషయం నాన్న గారి దగ్గరికి తీసుకెళ్ళింది...
అక్కడి నుండి నో వాడికి గారాభం ఎక్కువయ్యింది...అనే జవాబు...వాడికి ఆకలైతే వాడె వస్తాడు...అని చెప్పడం ..
వాళ్ళు తినడం జరిగింది...
బిర్యాని తెచ్చారు...తినడానికి...
సరేలే ఇంకోసారి అమ్మ వస్తే తిందాం అనుకున్నాను...
కాని bed సర్దేస్తూ హాయిగా పడుకుంటున్నారు
సరే అక్కయ్య ఎలాగో ఇక్కడికి వస్తుంది కదా ..తనయినా అడుగుతుంది అపుడు తిందాం అనుకున్నాను...
కాని అక్కయ్య అక్కడ చదువుకుంటుంది...
సరే ఎలాగైనా చెల్లె నాతో పాటే కదా పడుకోనేది కచితంగా అన్నం తిను అన్నా అంటుంది..అపుడు తిందాం అనుకున్నాను...కాని అమ్మ తో సీరియల్ చూస్తుంది..రాత్రి 10కి సీరియల్ 10 -30 వరకు ఆగాలా?
సరేలే అనుకున్నాను...
మరో పది నిమిషాల్లో అమ్మ ఒడిలోనే నిదుర పోయింది...
అయ్యో నన్ను అడిగే వాళ్ళు లేరా?...కడుపులో ఎలుకలు తిరుగుతూ ...అహం అడ్డు వస్తూ...తినాలని ఉన్న అడగలేక ...ఉంటున్న సమయం లో సీరియల్ బ్రేక్ వచ్చింది...అమ్మ చెల్లేని నా పక్కన పడుకోబెట్టేస్తూ..
చిన్నా! నీ కోసం నాన్న గారు బిర్యాని తెచ్చారు కదా..!కొంచెం తినరా అని అడిగింది...
exact గా ఇలాంటి బుజ్జగింపు కోసమే చూసే నేను ఎగిరి గంతేసి వెళ్లి తినాలి కదా...?మల్లి హెలికాప్టర్ గుర్తొచ్చింది..
అటు తిరిగి పడుకొన్నాను...ఇంకేమి మాటలు వినపడడం లేదు..
అయ్యో అమ్మ మల్లి  టీవీ దగ్గరికి వెళ్ళిందా?మళ్లీ మరో పావుగంటా?అనుకునేంత లోపే మళ్లీ అడిగింది..
మరి ఇప్పటి వరకు ఈ సైలెంట్ ఏమిటా అనుకుంటున్నారు కదా?
చెల్లెకి దుప్పటి సర్దింది...అందుకే కొన్ని నిమిషాలు మాట్లాడలేదు...
వెంటనే నా కోరిక ను నెక్స్ట్ టైం జాతరలోకొనడం కోసం అగ్రిమెంట్ జరిపి ...కొన్ని షరతులు పెట్టడం జరిగింది...
అవేంటంటే....
నాకు రేపు కొన్ని చాక్లెట్స్ కొనివ్వాలి ,ఇప్పుడు అన్నం తినిపించాలి...
కోరికలు ఒప్పుకోవడం భోజనం చెయ్యడం ..పడుకోవడం ..జరిగిపోయింది
నెక్స్ట్ టైం జాతరకోసం ఎదురు చూస్తూ ఉన్నాను..కేవలం హెలికాప్టర్ నే టార్గెట్ గా పెట్టుకోకూడదు...
అక్కడికి వెళ్లిన తర్వాత హెలికాప్టర్ కంటే మంచి బొమ్మలు ఉండొచ్చు కదా!అందుకే చూసి కొనుక్కోవాలి...
ఇక్కడ నేను పూర్తిగా స్వార్ధ పరుని గా మారడానికి కావలసిన తెలివి తేటలు పెంపొందిన్చుకున్నాను..
ఎందుకంటే ఒకే బొమ్మకు కనెక్ట్ కాకపోవడం ,నా స్వార్ధానికి తగినట్టు పరిస్థితులకు అనుగుణంగా నా కోరికలకు ప్రతిస్పందించడం లాంటి వన్నిటి తో పాటు,
ప్రేమ 46శాతం..స్వార్ధం 54శాతం తో....READMORE

Read More

ప్రేమశాతం:నా వెనక మా అమ్మ ఉంది!

కథ  కథనం హీరో :నేనే, హీరొయిన్:ఇంకా ఎంటర్ కాలేదు,,ఇతర పాత్రలు:సమాజం లో నాచుట్టూఉండే మనుషులు...
పాత  పోస్ట్ లు 1  2 3 4

స్వార్ధం పెరిగిన నేను
 ఒక రోజు మా ఇంట్లో మా అక్కయ్య వస్తువులతో ఆడుకొంటుంది
అప్పుడు  నా కన్ను మా అక్క ఆడుకొనే వస్తువుల మీద పడింది...
దాన్ని ఇమ్మని అడిగాను ...
ఇవ్వలేదు...
నా స్వార్ధానికి కోపం తోడై ఆ వస్తువు పట్ల ఆశ ఇంకా పెరిగి పోయింది
వెంటంటే మా అక్క దగ్గరి వస్తువు లాక్కోవడానికి ప్రయత్నించాను...
కాని తనేమో నాకన్నా పెద్దదాయే....
 ఒకటి నన్ను కొట్టేసి నన్ను నెట్టేసింది...
వస్తువు రాక పోగా..దెబ్బలు కూడా తగిలాయి..
మళ్ళి ఆ కదనరంగానికి వెళ్ళలేని స్థితి..
ఎందుకంటే నా బలం ఎందుకు పనికి రాదనీ తెల్సి పోయింది... 
ఇప్పుడు కొత్తగా అవమాన భారం కూడా కొతగా నా స్వార్ధానికి జతకూడింది...
నా నిస్సహాయత ...కోపం ...స్వార్ధం ..ఎలాగైనా సొంతం చేసుకోవాలనే పంతం ,అవమాన భారం
అయ్యా బాబోయ్ చిన్న పిల్లవాడిని నాకు ఇన్ని అవలక్షనాలు ఉన్నాయా..?
ఏమో?
ఎవడికి తెల్సు ?ఇప్పుడైతే ఆలోచిస్తే 
ఆ దుష్టలక్షణాలు కలిగి ఉండడం వల్లే అలా లాక్కోవడానికి ప్రయత్నించాను..!అని అనుమానం
 మరెలా?

అసలు నేనా బొమ్మను ఏల చూడవలె?...చూసితినిపో?

మరి ఏల ఆ బొమ్మ నాకు కావాలనిపించెను?...అనిపించెను పో?

మరి ఏల వెళ్లి బొమ్మ ఇమ్మని అడగవలె?....అడిగితిని పో..?

మరి ఏల నాకు బొమ్మ ఇవ్వనని చెప్పవలె?...చెప్పినది పో?

మరి ఏల నేను లాక్కోవడానికి ప్రయత్నించవలె?...ప్రయత్నించితిని పో?

మరి ఏల నన్ను మా అక్క కొట్టవలె ...?

ఎటుల ?...ఎటుల?

హా ఎంత  అవమానం ?ఎంత అవమానం?

అని ఒక "దానవీరశూరకర్ణ "లాంటి సినిమా వేసుకున్ననేమో తెలీదు గాని అంత పని చేసి ఉండి ఉంటాను...

శత్రువు మన కన్నా బలవంతుడైనపుడు ....అతన్ని ఎదుర్కోవాలంటే అతనికన్నా ఎక్కువ బలవంతులను మన జట్టులో కూడా గట్టుకోవాలి 
అనే చాణక్యుడి నీతిని చదవకముందే, అప్పుడే ఒంట బట్టించుకొన్నానేమో? 

సరిగ్గా అప్పుడే ఒక ఐడియా వచ్చింది...
మా అక్క ఎవరి మాట వింటుందో..వాళ్ళతో చెప్పిస్తే.. ఆ వస్తువు ఏల నా వద్దకు రాదు...

ఆ ఐడియా నే ....

 "నా వెనక మా అమ్మ ఉంది!"

అమ్మను ప్రయోగించవలె..ప్రయోగించిన క్షణాల్లోనే బొమ్మ నా వద్దకు వచ్చి తీరుతుంది,వస్తుంది ,వచ్చింది...

అలాగా నాకేదైనా వస్తువు కావాలంటే మా అమ్మను ప్రయోగించి వస్తువులను ఇప్పించుకొనే వాణ్ని..

ఈ విధంగా స్వార్ధం మా స్కూల్ నుండి...మా ఇంటి పరిసరాలకు ...అటునుండి ..మా ఇంటికి వచ్చింది...


ఇలాగ నాకు కావలసినవి లాక్కోగలిగాను...

ఈ రకంగా నాకు కావలసినవిఎవ్వరి దగ్గర నుండి అయినా సాధించుకోవచ్చనే అభిప్రాయం ఏర్పడింది...

అప్పటి నుండి నేను ఇతరుల మాటలు వినను ,వాళ్ళ అవసరాలు పట్టవు

అలాగా నేను ఇతరుల పైన ఆధారపడే వాడిగా తయారయ్యాను...

భోజనం తినడం నేర్చుకున్నాను,తప్పా స్వయంగా తయారు చేసుకొనేస్థితి లో నేను లేను...

వాస్తవంగా ఆలోచిస్తే   మా అక్కని మా అమ్మ నొప్పించింది...నాకు ఇప్పించింది...

అలాగా దురభిమానంతో పెత్తనం చెలాయించే...వానిగా తయారు అయ్యాను...

ప్రేమ 47 స్వార్ధం53 గా మారింది...

కాని ఇక్కడ మా అమ్మ...మా అక్క నుండి ఇప్పించకుండా ఎం చేస్తే బాగుండేదో చెప్పగలరా?

జవాబును  మీ కామెంట్స్ రూపం లో పెట్ట గలరు

తర్వాత రేపు నా జవాబు ను ఇదే పోస్ట్ లో పెట్టగలను,రేపు ఒక సారి చూడగలరు ...

కామెంట్ లో నా జవాబు చూడగలరు READ MORE

Read More

నాకు పవన్ కళ్యాణ్ కి ఒకటే తేడా ! ఒక ఆడ్

ఇది advertisement మాత్రమే.....

నా blog సీరియల్ లో ఆడ్ ఇస్తే ఎలాగుంటుంది అనే ఐడియా వచ్చింది....

సాదారణంగా సీరియల్ చూడడం వల్ల ఆడ్ చూస్తారు...

కాని నేను ఆడ్ చూపించడం వల్ల నా blog సీరియల్ చూపిద్దామనుకున్నాను...

ఎందుకంటే నా బ్లాగ్ లో ఒక సీరియల్ మొదలైందని ...ఆ విషయం జనాలకు తెలపాలని...

అదే " ప్రేమశాతం "

జనాలు నా బ్లాగ్ లో కి ఎంటర్ అయ్యిందుకు  ....

ఒక ఆడ్ కావాలి అనుకున్నాను ...అదే ఈ ఆడ్...

సరే ఆడ్ విషయానికి వస్తే ....

ఒక చిన్న పిల్లవాడు ముద్దు ముద్దు గా ఇలా ఒక dialog చెప్తాడు!

చూడప్ప సిద్దప్ప ! నాకు పవన్ కళ్యాణ్ కి ఒకటే తేడా! 

తను సినిమా లో నటిస్తాడు ,నేను నటించను

మిగతాదంతా సేమ్ టు సేమ్

(త్వరలో venkatesh మరియు pawan kalyan నటించిన గోపాల గోపాల మూవీ మీ అభిమాన ధియేటర్ లలో ......, వస్తున్న సందర్భంగా)

చిన్న పిల్లలు కూడా సినిమా  హీరోలను అనుకరిస్తూ ఉంటారు ,వాళ్ళు ఇలాంటి డైలాగ్లు చెప్తుంటే బుద్దు బుద్దు గా

బలే గా ముద్దు వస్తూ ఉంటారు  ....కదా

మీ కోసం ఒక జోక్ :

 

 సింహం :నేను  పవన్ కళ్యాణ్ లాంటోడిని,తనకి నాకు ఒకటే తేడా !

నేను గడ్డం గీసుకోను ,తను గీసుకుంటాడు ,మిగతాదంతా

same టు same

ఒక టీవీ కామెడీ షో లో వచ్చిన జోక్  బాగుందా ....MY SERIAL

Read More

ప్రేమ శాతం :అసలు నా జీవితం లో ప్రేమ కలిగిన రోజే లేదా?

 కథ  కథనం హీరో :నేనే, హీరొయిన్:ఇంకా ఎంటర్ కాలేదు,,ఇతర పాత్రలు:సమాజం లో నాచుట్టూఉండే మనుషులు...

 పోస్ట్ 1  పోస్ట్ 2 పోస్ట్ 3

అసలు నాలో ప్రేమే లేదా ?ఎంత సేపు స్వార్ధ పరున్నేనా?

అసలు నా జీవితం లో ప్రేమ కలిగిన రోజే లేదా?

నేను ఒక రోజు మా నాన్న గారితో గుడికి వెళ్ళడం జరిగింది....

మా నాన్న గారు తన దగ్గరున్నకొన్ని చిల్లర డబ్బులు కొన్ని ఇచ్చాడు ....

వాటిని అక్కడ  గుడి దగ్గరి బిక్షగాల్లకు ఇవ్వమని చెప్పాడు...
పాపం కదా...వాళ్ళకు కనీసం తినడానికి తిండి కూడా సరిగా దొరకడం లేదు కదా...

ఇక్కడైతే ఆలోచించలేదు వాళ్ళకు డబులిస్తే వాళ్ళు నాకేం ఇస్తారు రిటర్న్ అని...

ఇప్పుడైతే అనుకొంటాను వాళ్ళు ఆశీర్వదిస్తారు అనే కారణం వల్ల వాళ్ళకు డబ్బులిస్తానేమో వాళ్ళకు

అలా ఆలోచిస్తే వచ్చిన పోస్టే   సంస్కారవంతమైన దీపావళి

అందులో ఆ రకంగా ప్రార్ధించాను.....

ఇలా గా నా ప్రేమ శాతాన్ని  48 నుండి 49 కి పెంచుకున్నాను.....నేను మంచి బాలుడినే కదా

కాని ఆ చిన్న సంఘటన నా లో కూడా ప్రేమ ఉందన్న సంగతిని తట్టి లేపింది....

అందుకేనేమో కనీసం మంచి గా  ఆలోచించే శక్తి నాకు వచ్చి ఉంటుందేమో ?

ప్రేమ అనేది ప్రతి మనిషి లో ఉంటుందనేది నా నమ్మకం...

అంటే నాలో కూడా ఉంటుంది...ఉంది ..

కాని దాన్ని నా శరీరాన్ని పెంచి పోషించినట్లు, నా లో ఉన్న  ప్రేమను పోషించడం లేదు...

మరి ప్రేమను పోషించడం ఎలా?

ప్రేమను పెంచుకోవడం ఎలా?

స్వార్ధం అంటే కలుపు మొక్క లాంటిది ...

అది ఎలాగైనా పెరిగిపోతుంది...

కాని ప్రేమ మనం పెంచుకొనే మొక్క...

దానికి ఏమి కావాలి?ఎలా పెరుగుతుంది?

దానికి ఏమైనా పద్ధతి ఉందా?

మీకు తెలిస్తే నాకు చెప్పడానికేం మొహమాట పడకండి...

ఎందుకంటే నేను ఇక్కడ మీ అమూల్యమైన అభిప్రాయాల కోసం ....నాలో ప్రేమ శాతాన్ని పెంచుకోవడం కోసం

ఎదురు చూస్తున్నాను...READMORE

Read More

ప్రేమ శాతం-బూరె చెప్పిన సత్యం

 కథ  కథనం హీరో :నేనే, హీరొయిన్:ఇంకా ఎంటర్ కాలేదు,,ఇతర పాత్రలు:సమాజం లో నాచుట్టూఉండే మనుషులు...

link to పోస్ట్ 1                       link to  పోస్ట్ 2


                    ఒక రోజు మా అత్త వాళ్ళింటి వద్దకు నేను మా స్నేహితుడితొ కలిసి ఆడుకోవడానికి వెళ్ళాను...
ఆరు బయట ఆడుకొంటుంటే ...ఆ రోజు మా అత్తయ్య నన్ను మాత్రమే లోపలికి పిలిచి బూరె ను ఇంటి లోపలే తినిపించింది....నా స్నేహితున్ని పిలుద్దాం అంటే ,వద్దు నీకోసం మాత్రమే ఒకటి ఉంచాను....అది ఇప్పుడు నీకు ఇస్తున్నాను అని చెప్పింది....నేనేమో ఒక్కటే కదా మా స్నేహితుడికి ఇవ్వలేము కాబట్టి నేనొక్కడినే తినొచ్చు...
అనేసి తిన్నాను....బయటికి వెళ్లి ఏమి జరగనట్టు మా స్నేహితుడితో ఆడుకున్నాను,
మరొక విషయం ఏమిటంటే నాకు అక్కడ ఇంకా బూరెలు కనపడ్డా కాని ,మా అత్త చెప్పిన "ఒకటి మాత్రమే ఉంది"
అనే అబద్దాన్ని నా మనసును మోసం చేసుకొని ఆత్మ సంతృప్తి కలిగించుకొన్నాను,

ఇక్కడ నా మనసును నేనే మోసం చేసుకోవాల్సిన అవసరం ఏమిటి ?
జవాబు:నేను మంచి వాడిని అని నాకు ఒక బ్రాండ్ పెట్టుకొన్నాను....కనుక నేను మా స్నేహితునికి  ఇవ్వకుండా ఆ బూరె ను తిన కూడదు, కానీ తిన్నాను ...అంటే నేను మంచి వాడిని కాను...దాన్ని నేను ఒప్పుకోలేను...ఎందుకంటే పక్కవాళ్ళు నేను మంచివాన్ని కాదంటేనే ఒప్పుకోలేను ?అలాంటిది నన్ను నేను చెడ్డ వాడు అని నన్ను నేను అనుకుంటే ఇంకేమన్నా ఉందా?మరప్పుడు నేను ఎం చెయ్యాలి ?మా స్నేహితునికి ఇవ్వాలని నాకు లేదు?అందుకోసమే పలాయన మార్గాన్ని ఎంచుకొన్నాను...అదేమిటంటే అక్కడ ఒక్క బూరె మాత్రమే ఉన్నది అనే అబద్దాన్ని నేను నమ్మడం ఒక్కటే దారి,అందుకే అబద్దాన్ని నాకు నేను చెప్పుకోవడానికి మా అత్త నాకు హెల్ప్ చేసింది...ఆ రకంగా నా మనసును అంత విజయ వంతంగా మోసం చేసుకొన్నాను ...ఎంతగా మోసం చేసుకున్నాను అంటే ,ఆ తర్వాత నేను నార్మల్ గా మల్లి స్నేహితుడితో అడుకోగాలిగాను...

ఈ రకంగా నాలోని స్వార్ధం 52పెరిగి ప్రేమ  48గా తగ్గిపోయింది...

ఈ పోస్ట్ లో నేను తెలుస్కున్నది  ఏమిటంటే నేను మా స్నేహితున్ని మోసం చేసాను అని అనుకున్నాను...
కాని మా స్నేహితున్ని మోసం చేసే ముందు నన్ను నేను మోసం చేసుకున్నాను...

అందరు (నా లాగ మంచి వాడు అనే ముద్ర వేసుకున్నవాళ్ళు)ఇలా మొదటగా వాళ్ళని వాళ్ళు మోసం చేసుకుంటారనుకుంటాను...అలాగా వాళ్ళు ఆత్మ సంతృప్తి లో ఇరుక్కుంటారు!

సాదారణంగా నా లాగే మంచివాడు గా కనబడే వాళ్ళే ఎక్కువగా ఉండి ఉంటారు ?

మీరు కూడా ఒక్కసారి ఆలోచించుకోండి నాలాగే మీరు మీ మనసుని మోసం చేసుకో కూడదు?

అనేది నా ఈ పోస్ట్ ఉద్దేశ్యం ...ప్రేమ శాతం లో ప్రేమ ఎందుకు తగ్గుతుంది ?అంటే మనం ప్రేమ అంటే ఏమిటో

తెలుసుకోక పోవడమే?అసలు ప్రేమ అంటే ఏమిటి ?లాంటి విషయాలను వచ్చే పోస్ట్ ల లో చర్చిద్దాము....

అంత వరకు ఆత్మ సంతృప్తిలో ఇరుక్కోకండి...ఉంటాను....READ MORE

Read More

ప్రేమ శాతం -"కాకి ఎత్తుకెళ్ళింది...!"

కథ  కథనం హీరో :నేనే, హీరొయిన్:ఇంకా ఎంటర్ కాలేదు, ,ఇతర పాత్రలు:సమాజం లో నాచుట్టూఉండే మనుషులు...

                           నిన్నటిపోస్ట్ :   అపుడు   ప్రేమ51- స్వార్ధం 49 గా మారిపోయింది..!

పోస్ట్ 2:
         ప్రేమించడం చిన్నపిల్లల్లో ఉంటుంది - కాని మనమే చిన్న పిల్లల్లో ప్రేమ ను చంపేస్తాము

                 అలా నా ప్రేమ ను స్వార్ధం  డామినేట్ చేసి జీవితం లో ప్రాక్టికల్ గా బ్రతకడానికి బీజం వేసింది..
అప్పటి నుంచి నేను ప్రతి మనిషి నుండి నాకేంటి ?అనే ప్రశ్న ప్రతి అంశంలో వేసుకోనేవాడిని...

కొన్నాళ్ళ తర్వాత  నాలో ప్రేమ శాతాన్ని తగ్గించిన ఆయుధం  "కాకి ఎత్తుకెళ్ళింది...!"

మీకు తెలుసా ఇది నిజంగా వర్కౌట్ అవుతుంది....

             నా దగ్గర ఉన్న వస్తువు మా అమ్మ దాచేయ్యాలని  తీసుకొని నేను ఆ వస్తువు ఏది అని అడిగితే మా అమ్మ "కాకి ఎత్తుకెళ్ళింది...!"అని చెప్తూ ఉండేది...
కాని కొన్ని రోజులకు "కాకి ఎత్తుకెళ్ళింది...!"లో కాకి రహస్యం తెలిసిపోయింది....

ఒక రోజు మా అమ్మ లడ్డులు చేసింది ....
అపుడు నేను కొన్ని మా అమ్మకి తెలియకుండా లడ్డూలు తీసుకోని మా ఫ్రెండ్స్ తొ ఎంజాయ్ చేసాము...
ఇంటికి వచ్చాక మా అమ్మ లడ్డూలు ఏవిరా ?అని అడిగింది..తెలిసిపోద్దిగా ...కొన్నిలడ్డూలు మిస్అయితే?
నేను అప్పుడు ఏమి చెప్పానో తెల్సా?....

"కాకి ఎత్తుకెళ్ళింది...!"నేను చూసానమ్మా....! అని గట్టిగా నొక్కి వక్కానించాను...
ప్చ్ కాని ఎం లాభం?
మా అమ్మ నా లాగ చిన్న పిల్ల కాదు గదా?.వెంటనే....దొంగ ను కనుక్కుంది...?
ఇక్కడ నా బండారం బయట పడింది....బడితే పూజ పూర్తయ్యింది..!
ఆతర్వాత కొన్ని రోజులకు...
మా చెల్లె వస్తువు ఏదైనా నాకు కావాలి అనుకుంటే నేను కూడా లాక్కునే వాడిని....
మా చెల్లె తన వస్తువు ఏది అని నన్ను అడిగితే ?
నేను చెప్పే మాట "కాకి ఎత్తుకెళ్ళింది...!"
ఇక్కడ వర్కౌట్ అయ్యింది ....ఎందుకంటే చెల్లె చిన్న పిల్ల కదా?
అప్పుడు నేను ఒక సూత్రాన్ని కనుక్కున్నాను....

మన కంటే చిన్న పిల్లల దగ్గరినుండి మాత్రమే వస్తువులను "కాకి ఎత్తుకెళ్ళుతుంది...!"

ఈ విదంగా "కాకి ఎత్తుకెళ్ళిన" ప్రతి సారి నేను లౌక్యం గా తప్పించుకోవడం జరిగింది...

ఇప్పుడు నాలోని స్వార్ధం 51 నుండి 52వరకు పెరగలేదు....

ఎందుకంటే ఇది కేవలం నా లోని స్వార్ధం లో వందో వంతు మాత్రమే...

"ప్రేమ కూడా స్వార్ధానికి ఒక పర్యాయపదం గా మారిపోయింది...

మన పెద్ద వాళ్ళు గోరు ముద్దలతో స్వార్ధాన్ని ఎక్కిస్తారు, ,

ఒక మాతృమూర్తి చిన్న పిల్లవాడికి అన్నం తినిపిస్తూ,

నువ్వు తినకపోతే , ఈ ముద్ద  "కాకి ఎత్తుకెళ్తుంది...!"(ఇంకెవరికో పెడతాను)

అని బెదిరిస్తూ స్వార్ధపు బీజాలను చిన్నారి పసి మనుసులో ఎక్కిస్తే ,పెద్దవాడైన తర్వాత తను పక్కోడి ముద్దకోసం 

ఎందుకు వెంపర్లాడడు?"

కాని స్వార్ధమే ప్రేమ ని డామినేట్ చేసింది.........మళ్ళీ...ఈ రోజు కూడా

ప్రేమ లో ఓడిపోయాను....రేపు మళ్ళి కలుద్దాం.....READ MORE

.

Read More