విమర్శించితే తప్పు -ప్రశంసించితే ఒప్పా..?

నేను ఈ  పోస్ట్ రాసిన ఉద్దేశం విమర్శ అనేది బాధ పెట్టేది గా ఉండకూడదు...

ప్రశంసించేది గా ఉండి ఏమైనా లోటు పాట్లు ఉంటె సరిదిద్దు కొనేలా ప్రేరేపించాలని ...

దానికోసం నన్ను నేను ఏంటో తెలుసుకొనే ప్రయత్నం చేసాను...

 నేను ఇలాగ జనాలను విమర్శించే వాడిని.....

1)నీ తలేంటి ఇంత చిందరవందరగా ఉంది...అసలు ఇంట్లో అద్దం లేదా?

2)ఏం పని మొదలెట్టావు ?నీకు వేరే పనిలేదా?

3)నువ్వేంటి ఇలాగ ఉన్నావు ....ఇంత పొట్టి గా చూడటానికి బాగా లేకుండా ఉన్నావు ...

4)ఇంటి నిండా మురికి బట్టలే పడి ఉన్నాయి ...ఇది ఇళ్ళా ?మురికి కుంపా?

5)ఏం పాట పాడుతున్నావు ...నా తల దిమ్మెక్కి పోతోంది...

http://naperusrinivas.blogspot.in/

6)చేతులు ఇలాగేనా శుభ్ర పరచడం ,చూడు చేతుల్లో ఎంత మురికి ఉందో...

7)ఏ పని చెయ్యడం చేత గాదు...? అసలు నువ్వు దేనికైనా పనికొస్తావా?

8)ఇలాగేనా కూర వండేది...ఇంత ఉప్పు ఎక్కువైంది...



ఇపుడు ఆలోచిస్తే ఇవి కరెక్ట్ కాదు అనిపిస్తోంది...

కాని దాన్నే ఇలాగ ప్రశంశిస్తే బాగుంటుంది అనుకుంటాను...

For Example:

1)నీకు ఎవరో బాగా హెయిర్ స్టైల్ చేసారు ,నీ తలను బాగా దువ్వుకొంటే బాగుంటుంది కదా ?

ఇలాగే

  ఇంకా మంచి విమర్శ లేదా ప్రశంస ఎలా చేయాలో 2,3,4,5,6,7,8....ల కు తెలుప గలరు

మీ అమూల్యమైన ఆభిప్రాయాలు తెలుపగలరు,లేదా

ఇంకా నేను నాకు తెలియకుండా జనాలని విమర్శిస్తూ ఉండిఉంటాను,

వాళ్ళ బాధపడుతున్నది కనీసం గుర్తించనైనా గుర్తించలేనని నాకు అర్ధమైంది...

ఇలాగ మనం చేసే విమర్శలు ఏమైనా ఉంటె (పైనవి కాకుండా )నాకు తెలుపగలరు

నా నిన్నటి పోస్ట్ :చందమామ ఇంటికి దారేది...తెలుసుకోవలనుకుంటున్నారా?

Read More

చందమామ ఇంటికి దారేది..?

మా అమ్మ చెప్పిన చిన్ననాటి కథలు...

ఒక రాజు ఉంటాడంట,ఆ రాజుకేమో ఆటలాడుకోవడం అంటే చాలా ఇష్టమంట,ఆ రాజు ఆడుకొని ఆడుకొని ఆకలేసిన తర్వాత అమ్మ దగ్గరికి వచ్చి నిల్చుంటాడంట,అప్పుడు అమ్మ ఇలాగ తినిపిస్తుందంట,

అని నాకు తిపించడానికే ఒక కథ ను తయారు చేసుకొని పెట్టుకుంది మరి...!

        నిజంగా మనకు తెలియదు అమ్మ అలాగా కొసిరి కొసిరి తినిపిస్తుంటే మనం చిన్న చిన్న మాటలు మాట్లాడుతూ తింటూ ఉండి ఉంటాము...ప్చ్ కాని ఏం లాభం అవేమి మనకు ఇప్పుడు గుర్తుకు లేవాయే...!

ఇంకా పండుకునేటపుడు...

చందమామ ను చూపిస్తూ డాబా పైన చందమామలో పేదరాసి పెద్దమ్మ కథ....గుర్తుంది కదా!

పేదరాసి పెద్దమ్మ నూలు వడుకుతూ ఉంటుంది....అనేకథ చెప్తూ ,చందమామ లోకి మనుషులు వెళ్తున్నారు తెలుసా? అని అడిగితే 

నేను నేను కూడా వెళతాను ,...నిన్ను డాడి ని తీసుకొని అక్కడికి వెళ్తాను అని చేప్పేవాడినంట..!

అప్పుడు ఇప్పుడు లా కెమెరా ఫోన్ లు డిజిటల్ కెమెరా లు ఉంటె బాగుండేది...!

ఇంకా నేను స్కూల్ కి వెళ్ళడానికి కూడా  కథ చెప్పాల్సి వచ్చేదట..!

అదేనండి రాత్రి చెప్పిన  చందమామ కథ ని లింక్ చేస్తూ అమ్మను చందమామ దగ్గరికి తీసుకెళ్ళాలి అంటే నేను పెద్ద ఆఫీసర్ ని కావాలి ,ఆఫీసర్ కావాలి అంటే బాగా చదువుకోవాలి,బాగా చదువుకోవాలి అంటే ఇప్పుడు స్కూల్ కి వెళ్ళాలి...అని చందమామ దారిలో బడి కి దారిని చూపిస్తూ...కథను చెప్తుంది.

"చందమామ ఇంటికి దారి..."ఇదే నండి...!

ఇదే నండి చిన్న పిల్లలని ప్రేమతో బడికి పంపే దారి

కాదంటారా....?నవ్వుకోండి,కాని ఇదా చందమామ ఇంటికి దారి అని తిట్టుకోకండే?

ఇలాగ నాకు స్కూల్ అంటే ఇష్టం కలిగే దాక ఇలాగే చెప్పేదంట...

ఆ తర్వాత నేను మా అమ్మకి కథలు చెప్పడం స్టార్ట్ చేసాననుకోండి..ఇప్పుడు కూడా....;-)) 

అది వేరే విషయం...

చిన్నపుడు మా అమ్మ దెయ్యాల కథలు చెప్పేది కాదు,కాని పక్కింటి పిల్లలతో చెప్పించుకునేవాడిని...

మళ్ళి ఆ భయం పోవాలంటే... మా అమ్మతో మరొక కథ చెప్పించుకోవాల్సిందే కదా...

అప్పుడు చిలుకమ్మ కథ ,టక్కరి నక్క కథ ,పెద్దపులి కథ లు చెప్పెదింట.... 

నాకు ఊహ తెలిసినపుడు మా అమ్మ చెప్పిన ,బాగా గుర్తున్న కథ ఏమిటంటే,

ఒక రాజ కుమారుడు ,ఒక రాజ కుమారి కోసం ఏడూ సముద్రాలు దాటడం,అక్కడ ఉండే రాక్షషులను చితక్కోట్టడం,

తర్వాత రాణిని తెచ్చుకోవడం....

ఇలాగ ఉండేది...

ఆ కథలో రాజకుమారుడి ల నేను ఫీల్ అయ్యేవాడినేమో అందుకే ఆ కథ కి బాగా కనెక్ట్ అయ్యానేమో,

సో ఇది స్నేహితులారా మా అమ్మ చెప్పిన చిన్ననాటి కథలు....

Read More

కథలా సాగిపోయే ఈ జీవితం కలలా మిగిలి పోకూడదని...?

నేను కలిసిన ఒక ముసలాయన జీవితం ...
అతన్ని  చూడగానే ...అతని కళ్ళలో నాకు కనిపించిన భావమే ....ఈ పోస్ట్

జీవితం లో నేననే వాడు ఒకడు ఉన్నాడనే విషయాన్ని మర్చిపోయానా?

అనుక్షణం అస్తిత్వానికై పోరాటం లో నన్ను నేను కోల్పోయానా?

మార్కుల పందెం లో చిన్న నాడు ఆటలకు దూరమయ్యాను....!

నడి ఈడు లో ధనసంపాదనే లక్ష్యం తో చిన్న చిన్న ఆనందాలను చేరిపెసాను...

కాని ఇప్పుడు.....

ఈ మలి ఈడు లో నాతో ఆటలాడే వారెవరు....?

నేను చెరిపిన చిన్న చిన్న (కావు అవి చాలా విలువైనవి)ఆనందాలు ఇచ్చేదెవరు?

అసలు నన్ను నేనే ప్రేమించుకోలేదు....ఇక నన్నెవరు ప్రేమిస్తారు....

కనీసం ఇపుడైనా నన్ను నేను ప్రేమించుకుంటున్నానా? 

ఈ ముసలాయన జీవితం నాకొక పాఠం...!
ఈ ఉరుకుల పరుగుల జీవితం లో మన కోసం మనం ప్రతి రోజు కొన్ని నిమిషాలైన కేటాయించుకోవాలని....!
ఆ సమయం లోనైనా మనల్ని మనం ప్రేమించుకోవాలని....
కథ లా సాగిపోయే ఈ జీవితం లో నేను కల లా మిగిలి పోకూడదని...?

Read More

పేదరికం లో ఉన్న మజా అనుభవిస్తే తెలియునులే...!

పేదరికం లో ఉన్న మజా అనుభవిస్తే తెలియునులే...!
13 ఏల్ల అమ్మాయి కట్టెల కోసం అడవికి వెళ్లి గొడ్డలి తో కట్టెలను కొట్టడం....
చిన్నపుడు రేషన్ షాప్ కు ఉదయానికి వెల్లి పెద్ద లైన్ లో నిల్చొని కిరోసిన్ ఆయిల్ తేవడం....
గంటలు గంటలు క్యూ లైన్ లో నిలబడి సినిమా టికెట్ తీసుకోవడం....
ఒక అమ్మాయి తన తండ్రి గొడ్డలి తయారు చేస్తున్నపుడు సుత్తె తో కరిగిన ఇనుము పై కొట్టడం....
నీళ్ళ కొళాయి దగ్గర గొడవలు పడకుండా నీళ్ళు తేవడం.....

బాలల హక్కులు అంటే ఏమిటో తెలియని బానిసత్వం....

గుడికి వెళ్ళినపుడు కూడా గంటలు గంటలు లైన్ లోనే నిలపడడం...

సీరియల్లు చూసి హీరొయిన్ తో బాధ పడటం.....

సినిమాలో హీరో కష్టాలతో పాటు పోరాడాలని తీర్మానం...

తాగోచ్చిన తండ్రితో గొడవ పడి, చివరికి అన్నం పెట్టి పడుకోబెట్టడం....

తెల్లారితే ఏమవుతుందో తెలియని జీవితం తో పోరాడటం....

చిన్న ప్రపంచం లోనే బ్రతకడం....

ఆత్మాభిమానం అంటే ఏమిటో కూడా తెలియని మంచితనం.....

కిట్టి పార్టీస్ అంటే ఏమిటో తెలియని వాళ్లు కచ్చ కాయల ఆటే  గొప్పగా ఆడుకునేవారు...

తిన్నది అరిగేలా ఏరోబిక్స్ .మార్నింగ్ వాక్ లు తెలియనివాళ్ళు ...పొద్దునే లేచి ఇంటి ముందు 

పెద్ద వాకిలి ఊడవడం...తొక్కుడు బిళ్ళ ,స్కిప్పింగ్ ఆటలు .... ఆడటం...

అడవికి వెళ్లి పండ్లు తెంపుకొని రావడం...

తినడానికి ఏమిలేక పోతే గంజి చేసి ఇవ్వడం....అదే త్రాగడం...

పొగ చూరు పోయ్యిలలో వంటలు వండడం ...తినడం...

ఆఫీసర్స్ తిట్టినా కాని ....అయ్యా దొరా!...అని పని చేపించుకోవడం...

పోపన్నం లోనే బిర్యాని చూసుకోవడం.....

చుట్టాలోస్తే వాళ్లకు ఉన్నదాంట్లో కడుపు మాడ్చుకొని వాళ్ళకు భోజనం పెట్టడం...

సర్కారు బడికెళ్ళి నోట్ పుస్తకాలకు డబ్బులు లేక మాస్టారుతో తిట్లు పడటం....

మొత్తం మీద జీవితం లో ఉనికి కోసం పోరాడడం ....జీవితం లో ముఖ్యమైన ఆరాటం... 

తిట్లు పడ్డ కాని  ,చీదరాలు ఎదుర్కొన్న అవి జీవితంలో భాగాలు అనుకొనే రాజి పడే అనుభవాలు... 

ప్రతి చోట చీత్కారం ...అందులోనే పోరాటం...అక్కడే గెలుపు...అదే ఆనందం....అదే మజా ....

  

Read More

నా వంతుగా అగ్గ్రిగేటర్ లను ప్రమోట్ ఇలా చేద్దామనుకున్నాను

చాల మంది బ్లాగ్స్ లో వాళ్ళు ఉపయోగించే aggrigator లను ప్రమోట్ చెయ్యడం లేదు

దానికి ఒక కారణం :టెక్నికల్ గా మాకు తెలియదు ,అనేవారికోసం

ముందు నా బ్లాగ్ లో aggrigator ల వరుస ను చూడండి...
ఆ వరుస మీకు నచ్చి నట్టయితే.....
(మీరు వరుసలను మార్చుకోవాలి  అంటే కామెంట్ పెట్టండి,నేను మీకు తప్పక సహాయం చేస్తాను)

మీ బ్లాగ్ ఇంటర్ఫేస్ లో overview మీద నొక్కండి,,,
lay out సెలెక్ట్ చెయ్యండి....
అందులో మీకు నచ్చిన చోట Add gadjet నొక్కండి....
html/javascript కోసం scroll చేసి html/javascrip పైన  క్లిక్ చెయ్యండి
మీకొక popup విండో open అవుతుంది...
అందులో title వద్ద box లో కృతజ్ఞతలు అని తెలుగు లో రాయండి...

ఇంకా క్రింద నున్న box లో క్రింది కోడ్ copy చేసి paste చేయండి....
తర్వాత save చెయ్యండి...
మీ బ్లాగ్ లో aggrigators ప్రమోట్ అవుతాయి...

రెండవ కారణం:మాకేం లాభం,అనే వారికోసం

అవి మనల్ని ప్రమోట్ చేస్తున్నపుడు వాటిని మనమెందుకు ప్రమోట్ చెయ్యకూడదు?
మనం అన్నీ aggrigators ని ప్రమోట్ చెయ్యడం వల్ల మనకు అన్నీ aggrigators నుండి viewers పెరగరా?
వాటి వాళ్ళ మనకు కూడా automatic గా viewers పెరుగుతారు...
ఆలోచించండి....వద్దు ...ఆలోచించకుండానే మీ బ్లాగ్ లో aggrigators ని ఇప్పుడే ప్రమోట్ చెయ్యండి...
బ్రతకనివ్వండి బ్రతకండి....

<a href="http://koodali.org/"target="_blank">
  <img src="http://koodali.org/banner120x50.png" alt="koodali" style="width:100px;height:42px;border:0" />
</a>
<a href="http://maalika.org/"target="_blank">
 <img src='http://maalika.org/img/Maalika-Logo-9.gif'alt='maalika' style="width:100px;height:42px;border:0"/>
</a><br/>
<a href="http://www.blogillu.com/"target="_blank">
  <img src="https://blogger.googleusercontent.com/img/b/R29vZ2xl/AVvXsEi8jI2pqx_TJ-iBxACpQM0hcgZx5AO9Pae7ysXlpIJvSQ_g3BYqfr2Ux4hZAFelPlmZGLSL6LPTVG-ICBpS_JYvSGUaAwm8ux3scBth_SwR-ojzZL3zqnRl1NoqZH64kkyInZiHjGvzk_o/s1600/blogillu2.gif" alt="koodali" style="width:100px;height:42px;border:0" />
</a>
<a href="http://magazine.palleprapancham.in" target="_blank">
 <img src="http://www.palleprapancham.org/palle.png"alt='maalika' style="width:100px;height:42px;border:0"/>
</a><br/>
<a href="http://blogvedika.blogspot.in/"target="_blank">
  <img src="http://1.bp.blogspot.com/-oc3uTffhWvM/VD_V5oApWoI/AAAAAAAADFo/hm8_dNqJhfs/s1600/blogvedika11.jpg" alt="blogvedika" style="width:100px;height:42px;border:0" /></a>
<a href="http://poodanda.blogspot.in/"target="_blank">
 <img src='https://blogger.googleusercontent.com/img/b/R29vZ2xl/AVvXsEjcflsxHFNCRPTRoUp-GQHNMW8RQayCmyfk0yO686hom8Brj_LQAYcpK-eadZPZDsW0zxcSV71yL5CktsrT5TqWEAvaaD4d7c1XeAlcWpF4UrfUzQkmkD4kIScs1xrSzwGrQE2HBflta_jQ/h120/poodanda.png'alt='poodanda' style="width:100px;height:42px;border:0"/>
</a>
గమనిక :నాకు తెలిసిన aggrigator లు మాత్రమే ఇక్కడ ఇచ్చాను,
             ప్రస్తుతం తెలుగు బ్లాగ్ లకు సేవ చేసే ఇతర aggrigators ఉంటే నాకు తప్పకుండా తెలుపగలరు

Read More

ఇలాగా పాటలు పాడి నాకు తినిపించేదంట...

నిన్న రాసిన పోస్ట్ కు చాలా మంచి కామెంట్స్ వచ్చాయి....

నిజంగా ఆ పోస్ట్ రాసేటప్పుడు నా చిన్నతనం లో జరిగిన సంఘటనలు రాయడం జరిగింది....

చాలా బాగా అనిపించింది....

అప్పుడే ఇంకొక పోస్ట్ రాయడానికి ఒక ఐడియావచ్చింది...

అదేంటంటే చిన్నపుడు మా అమ్మ నాకోసం ఏమేం పాటలు పాడేదో తెలుసుకోవాలని అనుకున్నాను,

అందుకే అవి అడిగి తెలుసుకొని ఆ పాటలు ఇక్కడ ఇవ్వడం జరిగింది....

                                                                           అమ్మకో ముద్ద...

                                                                           నాన్నకో ముద్ద....

తాతయ్యకో ముద్ద....

మామాకో ముద్ద....

అమ్మమ్మకో ముద్ద....

ఇలాగా పాటలు పాడి నాకు తినిపించేదంట...

google image

                   గుడు గుడు గుంచం...

గుండె రాగం .....

పాముల పట్నం....

పడిగే రాగం....

పక్కన చెవ్వు పట్టుకో...

అక్కడ దగ్గర గా ఉండే వాళ్ళ చెవులు పట్టుకొని గు... బా.. గు...బా..అని లాగాలి...

                                                                     కాళ్ళ గజ్జా ...

                       కంకానమ్మ....

       వేగూ చుక్కా....

       వెలగా పండు.....

      కాళ్ళు తీసి కడగా పెట్టు....

అంటే కాళ్ళు ఇలాగ దూరంగా పెట్టాలంట....

ఇంకా మీకు తెలిసే ఉంటుంది ...

చందమామ రావే.....

జాబిల్లి రావే.....

ఇలా పాడుకుంటూ చందమామ ను చూపిస్తూ పెరుగన్నం పాలు కలిపి తినిపించేదంట...

పెరుగన్నం కూడా చందమామ లాగ తెల్లగా ఉండడం వల్ల చందమామ లోని తెల్లదనం తినేవాన్నెమో...

ఇంకా 

                                                               చిట్టి చిలుకమ్మ

             అమ్మ కొట్టిందా... 

      తోటకేల్లావా....

      పండు తెచ్చావా...

      గూట్లో పెట్టావా...

      గుటుక్కుమింగావా....

అని కూడా తినిపించే దంటా....

బాగున్నయా ?రేపు మా అమ్మ చెప్పిన చిన్నప్పటి చిట్టి చిట్టి కథల తో పోస్ట్ చేద్దామనుకుంటున్నాను ఏమంటారు?

గమనిక:మీకు తెలిసిన చిన్నప్పటి పాటలు మీ కామెంట్ లో పెడితే ,ఈ కాలం మాతృ మూర్తులు తెలుసుకుంటారు ,ఇంకా చిన్న పిల్లలకు పాడుతుంటారు అనుకుంటాను 

Read More

అసలు నేనేం తప్పు చేసాను?

అసలు నేనేం తప్పు చేసాను? నాకైతే ఇప్పటికి అర్ధం కాలేదు

ఇంత పెద్దయ్యాక కూడా నాకు అర్ధం కావడం లేదు!

ఎందుకో తెలుసా?అయితే చదవండి...కానీ కామెంట్ పెట్టడం మాత్రం మర్చిపోకండి...!

గోడలన్నీ కలర్ వేసి  పాడుచేసావెంట్రా?
"పాడు చెయ్యలేదు నాన్నగారు....గోడలకు కలర్ వేసాను"

బొమ్మల్ని ఎందుకురా ఖరాబు చేస్తున్నావు?
లేదు అమ్మ బొమ్మల్ని రిపేర్ చేస్తున్నాను!

ఏమిటిరా గిన్నెల్నిగట్టిగా కొడుతున్నావు?
నేను మ్యూజిక్  చేస్తున్నానన్నయ్య...

ఎవరికైనా మంచి నీళ్ళు తెమ్మంటే నేనే ముందుగా తేవాలని పరుగెత్తుకుంటూ నీళ్ళు తీసుకొస్తే

అన్నీకింద పడేసావెంట్రా?అని మందలింపు?

అమ్మ పిలిచిందని పరిగేత్తుకొస్తే కింద పడి దేబ్బలు తగలితే,మా అమ్మను వదిలేసి నన్ను తిడతారెందుకు?

నాన్న గారు తెచ్చిన టేప్ రికార్డర్ కడగడానికి దాని మీద నీళ్ళు పోయడం కూడా తప్పా?

పక్కింటి సుబ్బుగాడు చిన్నా గాడిని కొడితే సుబ్బుగాడిని నేను కొట్టకూడదా?

అమ్మ డ్రెస్ ఎలాగో ఉతికేస్తుంది కదా అని మట్టిలో ఆడతా ఉంటె నామీద కేకలేందుకు?

పాపం అమ్మ ఒక్కతే పని చేసుకుంటుందని , పైప్ తో  చెట్లకు నీళ్ళు పట్టేస్తుంటే,ఎందుకు తడుస్తావంటది?

వర్షం వస్తే ఇంట్లో నీళ్ళు ఎందుకు వేస్ట్ చెయ్యడం అని వర్షం లో స్నానం చేసినా తప్పే?

బాగా తినాలి అంటారు,చాక్లెట్లు కొనుకుంటాను అంటే వద్దంటారు

నాన్నగారు బయటకి వెళ్ళేటపుడు సాయం చేద్దామని(చాకలేట్లు ,ఐస్ క్రీం కొనుక్కోవచ్చు) వెళ్తానంటే

అల్లరిచేయ్యకుడదంటారు...

ప్రొద్దున లేస్తే అల్లరి అంటారని బాగా పడుకొని ఉంటె లేలెమ్మని స్కూల్ కి టైం అయిందని లేపెసేవారు..!

ఇవన్నీ నేను చిన్నపుడు చేసిన మంచి పనులు...కాదా మీరే చెప్పండి..!

వాస్తవానికి ఇక్కడ నేనేం తప్పులు చెయ్యక పోయినా నాకు దెబ్బలు పడ్డాయి ఎందుకో ఏమో?

Read More